13.12.12

Reverberando

Retomo hoxe a palabra, que deixara abandonada aquí durante demasiado tempo, para recoller e compartir os ecos que levan reverberando ó meu redor durante o último mes. 

RE(C)VERSO, ese proxecto que naceu hai xa un ano, non para de arrincarme sorrisos. Chéganme novas de que se está a escoitar nos coches, nos ordenadores, nos reprodutores de música... de que gusta e fai rir! E pra min non hai mellor cousa, gústame que vos guste, e gústame sobre todo pensar que hai alguén que comparte as miñas tolemias. 

O pasado 15 de novembro presentei o CD na Lila de Lilith. Foi un recital-proba-de-lume, e lonxe de queimarme quecín gracias ás mostras de apoio de todos @s que asististes, ristes, falastes, e mercastes o meu audiofillo. Introduciume o xenial Estevo González Azañón. Non o perdades de vista, non só polo seu traballo como actor senón tamén polo proxectiño que andamos argallando. Despois ceibei ó aire uns cantos versos, unhas tantas corcheas... pero o máis interesante foi o debate improvisado que puxo punto (e seguido) á xuntanza. Por todo isto, de novo GRACIAS.

Para @s que queirades saber máis a cerca de RE(C)VERSO, aquí vos deixo un par de ligazóns. Aquí podedes escoitar unha pequena entrevista que me fixeron hai tempo no Diario Cultural da Radio Galega, a partir do minuto 36:52. Hai pouco os compañeiros de O sombreiro de Merlín convidáronme a Radio Obradoiro a falar de RE(C)VERSO, poesía, música e palabra. Foi unha tarde ben divertida na que alternamos ataques de risa con cultura e críticas, e na que os poemas fluíron sen descanso entre as ondas. Neste podcast podedes escoitar o programa enteiro, non ten desperdicio. 

E como o ritmo non para, a vindeira semana estarei presentando de novo os audiopoemas n'A Coruña! Será o mércores 19 ás 20.30, na libraría O Fogar do Lecer. Sobra dicir que estades tod@s convidad@s!!


Apertas sonoras, vémonos nos versos

1 comentario:

  1. Genial ayer en O Fogar do Lecer (la tarta estuvo genial, casi tan buena como las poesías, yo es que no soy mucho de dulce...). Espero que sigas así tanto con este proyecto poético como con otros, pues es agradable ver a creadores con una manera tan fresca de plasmar sus ideas.

    Y ahora aprovecho este espacio para saludar a todos mis amigos, mis veicnos, mi familia, a la virgen de los dolores que es mucho más virgen que la virgen del rosario...

    ...transmisión interrumpida en origen...

    para todo lo demás KHATHEDHRAL...

    ResponderEliminar